《觀星占卦 看見無明》星土日誌

學習占星就快一年，今日想分享，嚟到今日，重新整理一路以嚟嘅Transits&Reading手記過程中，突然感受到，學習占星，睇到無明

古人通過觀察天文、晝夜四季帶來大自然變化，以及社會人文的轉變，人類試圖理解宇宙運行的奧秘。不同地理、社會結構、文化和宗教，對於行星和命運之間的關聯有著各種不同的解讀，但佢哋都共同相信，行星——具有某種神秘的力量

占星學裡面，行星被視為超自然力量嘅象徵，有影響人類世界命運和業力嘅能力。同時，行星嘅運行和位置變化也能夠反映出個人、社會同世界的走向，以及人類精神狀態

呢種影響不知不覺， 我哋往往無意識陷入生活上大大小小人同事裡面，歡愉、角力，加上社會大環境嘅劇變，經歷著人生嘅起伏同不確定性，我們好易掉入無明

無明-對自我同世界嘅錯誤認知，執著於無常嘅事，以及對欲望同厭惡嘅執著

呢種誤解同執著被稱為無明，它係對真實實相嘅無知同迷惑(Ignorance / Delusion)，係人類無限輪迴中徬徨的原因之一，我們往往無意識咁陷入呢種迷失狀態

透過學習占星，星土觀察自己、社會以及世界嘅流動變化，差唔多一年多，見到特定嘅行星同行星嘅周期，各種周期變化，睇見習近平、普京，都係活係超級無明裡面

例如：金牛天蠍日月蝕周期，睇到普京嘅偏執迷痴，十月前正式玩完

下一個被南交點厄運纏上嘅，係啱啱食完萬壽宴嘅習近平

2023 Jul 18南交點離開天蠍座，進入天秤座，直到2025 Jan 13

金牛天蠍南北交點周期
2022 Jan 18 - 2023 July 17

金牛係白咭平嘅子女宮，天蠍係白咭平嘅社交連系宮：

南交點即係厄運、過去業報找數、個體消減或增加業報嘅機會
去到白咭平嘅國與國關係戰略同關係，佢同共產黨唔同派系係關係

理應要向全世界賠償中國搞出嚟嘅武漢肺炎世紀災難，全球幾多百萬人因為習近平肺炎而死？好似我咁中咗咳到而家！北交點落子女宮， 真係做實事嘅中國領導人， 就專注中國自身變態社會畸形問題、關注民生， 北交點一定大大祝福，而家個個「仔女」地區州政府叫救命

但呢件白咭習近平，交合就快死得嘅普京(天蠍上昇， 整體際遇找緊數，行緊厄運係咁做錯決定嘅普京)

係咁擴展佢個CLS獨裁聯盟
佢啲福街號航空母艦要滾足八八48小時水，仲學人打台灣

這種無明，係佢身上，睇得清清楚楚
呢張白咭，如7似膠

唔同周期、唔同相位，吉凶難論，大部分人，包括我自己，可能都處於這種無意識的迷失中，不斷地在輪迴中左跌右撞，大小程度，睇你我有幾覺醒

天上嘅繁星，就係「智慧之光」，係宇宙寫比我哋嘅message，占星又好、易卦又好，預測未來只係手段，重要係，可以透過占星所帶來嘅洞察，從中覺察無明，認識自己、發展智慧同覺知，智慧之光指引我哋睇清自己嘅弱點、執著同迷失，逐漸實現內在嘅自由同平衡