Opnar áskoranir

[withrocks]

Nú er talsverður fjöldi innleggja í Facebook spjallinu beiðni um áskoranir.

Ég legg til að hægt sé að gera "opna áskorun". Hefur það verið skoðað?

Tillaga að virkni:

• Notandi býr til opna áskorun, tekur fram (eða sjálfvalið eftir því sem við á):
  • Tegund poka
  • Tímalengd
  • Með/án hjálpartækja
• Með reglulegu millibili færi prósess í gang sem finnur besta leik, þannig að mismunur á ELO stigum sé lágmarkaður.

Nákvæma hönnun hef ég ekki gert. Meðal annars þyrfti að ákveða hvort um væri að ræða keyrandi bakgrunnsprósess með in-memory queues frekar en að lesa regulega upp úr ndb grunninum í reglulegri keyrslu - eða eitthvað annað.

Ef þér líst á þetta og hefur ekki þína eigin útfærslu í smíðum get ég hent saman nánari tillögu.

[vthorsteinsson]

Mér líst vel á þetta. Ég hef verið með vangaveltur um "forsal" eða "fordyri". Þar væru opin "borð" sem leikmenn gætu "sest við" og boðið upp á tiltekið form viðureignar. Öðrum leikmönnum væri svo frjálst að velja sér borð með andstæðingi til að hefja viðureign. Borðin í fordyrinu mætti sýna í röð sem hentaði viðkomandi leikmanni; hentugustu andstæðingar efst og svo niður á við. Ef maður sér engan andstæðing við borð sem maður er spenntur fyrir þá sest maður bara sjálfur við autt borð með eigin kríteríu. Svo gæti verið opið spjallborð fyrir neðan fordyrið. Hvernig hljómar þetta?

[withrocks]

Mér líst vel á þá hugmynd að sýnd séu borð í "fordyri" sem notendur geta sest við, mig grunar að það yrði auðskilið og líta vel út.

Ég býst við að þó gæti orðið "race condition" að borðunum, þ.e. einhver hafi þegar tekið áskorun áður en leikur hefst, þetta yrði þeim mun líklegra eftir því sem fleiri myndu nýta sér þennan valkost. Svo er spurning hvort það sé ekki eftirsóknarvert að menn séu paraðir saman af kerfinu, þannig að menn velji ekki alltaf bara þá sem þeir kannast við.

Hvernig væri að sameina þessar hugmyndir svona?

• Í fordyri sjást borð með nýlegum kríteríum.
• (Undir hverju borði væru e.t.v. upplýsingar um fjölda leikja í gangi, fjölda áskorana á klst. o.s.frv.)
• Notandi getur valið eitt af þessum borðum og bætist þá við í mengi þeirra sem leita að þesskonar borði
• Notandi getur einnig valið nýtt borð þar sem hann setur skilyrðin sjálfur, eftir það er tryggt að allir sjá þetta nýja borð í fordyrinu
• Kerfið (í reglulegri keyrslu) finnur besta parið, t.a.m. með því að lágmarka mun á ELO stigum. Ég er að skoða hvernig það gæti virkað án mikils kostnaðar í GAE, en grunar að heppilegt væri að geyma útistandandi áskoranir í memcache og vinna úr þeim í task queues.