"ahte" dahje ii "sávvat" maŋŋel?

[lynnda-hill]

Sávan máŋgasat, geat eai leat sápmelaččat, gehččet dán dokumentára ja ohppet min birra, sávvá Keskitalo.

galgágo "Sávan ahte .." vai leago riekta nu go lea? Leago "sávvat ahte" valeanssa siste?

[maretlaila]

"Sávvat ahte" ii leat valeanssa siste. Sávvat ii gáibit "ahte" seammaaláhkai go omd utsagsnverb (cealkinvearbbat?) dego lohkat ja dadjat. Muhtimin šaddá vel áibbas boastut "ahte" bidjat sávvat maŋŋái, dego sávvat+ill
*Sávan ahte dutnje lihkku beaivái
Dat soitet gávdnot cealkagat main sávvat+ahte leat valeansa áššit. Muhto váldonjuolggadussan ii sáhte gal dan bidjat. Oainnán ahte hui dávjá geavahuvvo sávvat "ahte" haga, dego dien cealkagis. Dá muhtin ovdamearkkat maid lean čoaggán SoMes ja de lean sádden iežan skihppáriidda main lea sámegiella fágan iskat maid lohket.
"Sávan dus lea hávskkes beaivi"
"Sávan don boađát deike farga"
"Sávan birgehalat dávddain"

Boađus: Ii oktage mu eahpeformála referánsajoavkkus lohkan ahte dies váilo "ahte". Čálle baicce ahte cealkka lea njuovžileabbo ahte haga.