The former Restaurant Mars, in 'Kodra e Trimave' neighbourhood

[JoraKasapi]

I have this information in albanain but it needs translation.
Sipas librit Abandoned Sites of Kosova, ndërtesa ishte ndërtuar fillimisht si vetshërbim (market) dedikuar banorëve të lagjes "Kodra e Trimave"(Vranjevc) nga Ndërmarrja Shtetërore Tregtare "Voçari" dhe funksionoi si e tillë deri në vitin 1994. Në disa burime tjera thuhet që vetshërbimi u ndërtua në fund të viteve 70ta. Në vitin 1995 u shëndërrua në një restorant privat të quajtuar "Restaurant Mars", i cili gjatë këtyre viteve ishte një hapësirë e rëndësishme festimi për shoqërinë e viteve të 90-ta, ku mbaheshin shumë evente muzikore, dasma, mbrëmje mature dhe konkurse bukurie. Puna e restoranit u ndal nga lufta e vitit 1999. Në vitet e pasluftës hapësira u shfrytëzua si klub nate dhe që nga viti 2003 hapësira është e braktisur pa funksion.
Ndërtesa ka formë tetëkëndore të pastër, me hyrje në anën veriore. Ka dy kate por nga jashtë, si shkak i shprehjes arkitektonike konceptohet si një hapësirë, pa ndarje të pastër të kateve. Hapësira brenda është e lirë me një shtyllë në mes të oktagonit. Elementet konstruktive janë të dukshme dhe qëllimisht të ekspozuara si nga jashtë ndërtesës e po ashtu edhe brenda hapësirave. Këto elemente bëhen theksi kryesor i gjuhës arkitektonike të ndërtesës.
Në tentim të kthimit të vëmendjes nga ndërtesat e braktisura, në tetor 2019 artistja Fitore Isufi-Koja prezentoi një ndërhyrje artistike të quajtur “Flirting with leftovers”.
Nga vizita në Shtator 2020, ndërtesa tregon gjendje të rëndë të deteriorimit hapësinor, humje të materialit dhe dëmtim të kulmit. Për faktin që hapësira është e braktisur dhe e hapur ka ndikuar që kjo hapësirë shëndrohet në hapësirë të eventeve jo të mira.
Lokacioni: 42.6751145/21.164645